काठमाडौं । चलचित्र लाज शरणम्’ को निर्माण घोषण गरे संगै कलाकारहरुको छनोट जारी रहेको छ । लोकप्रिय हास्य श्रृंखला ‘सक्किगो नि’ टिमले निर्माण गर्न लागेको पहिलो चलचित्रमा एकपछि अर्को गर्दै लोकप्रिय कलाकारहरु प्रवेश गरिरहेका छन् ।
अधिकांश कलाकार ‘सक्किगो नि’ टिमकारहेको बताइएको छ । सोहि चलचित्रबाट डेब्यु गर्दै छन् हरिष निरौला (कक्रोज) । निर्माण टिमले बिहीवार चलचित्रमा कक्रोजको पनि अभिनय रहने जानकारी दिएको हो ।
चलचित्रमा ‘सक्किगो नि’ टिमबाट सागर लम्साल बले, अर्जुन घिमिरे (पाँडे), र कमलमणि नेपाल (खुपीका बाउ)को अभिनय रहने जानकारी दिइएको थियो । आफ्नो टिम बाहिरबाट मुकुन्द श्रेष्ठ, विजय बराल र माला लिम्बुको अभिनय रहने फाइनल थिए ।
अहिलेसम्म चलचित्रमा रामभजन कामत, बबिन राई (गल्फने बाजे), प्रियना आचार्य (मुन्नी) ‘सक्किगो नि’ टिमबाट र बाहिरबाट अभिनेता महेश त्रिपाठी र अभिनेत्री रेनु नाथ योगी अनुवन्धित भैसकेका छन् ।
आगामी फागुन १४ गते महाशिवरात्रीको अवसरमा नेपालभरका सिनेमा हलमा रिलिज हुनेछ । जेपिटी क्रियसनको ब्यानरमा निर्माण हुने यो चलचित्रमा नवीन श्रेष्ठ निर्माता र राम नरेश शाह सह–निर्माताको रुपमा रहेका छन् ।
