काठमाडौं । चलचित्र घर नम्बर २’ मा नायक आर्यन सिग्देल प्रवेश भएका छन् । दीपेन्द्र के खनालको निर्देशनमा बन्न लागेको चलचित्रको छायाङ्कन साउनको २५ गतेबाट सुरु हुँदै छ । चलचित्रमा यसअघि नै खगेन्द्र लामिछाने, निश्चल बस्नेत फाइनल भइसकेका छन् ।
निर्माणपक्षका अनुसार, चलचित्रका लागि मुख्य दुई नायिका फाइनल गर्न बाँकी छ । सामाजिक कथावस्तुलाई रोचक तरिकाले चलचित्रमा प्रस्तुतगरिने बताइएको छ ।
ए प्लस इन्टरटेन्मेन्ट र नटराज क्रियशनको ब्यानरमा निर्माण हुन लागेको यो चलचित्रको कथा बुद्धि सागरले लेखिरहेका छन् । चलचित्रमा शरद श्रेष्ठ, किरण महर्जन र राजीव श्रेष्ठको लगानी छ । चलचित्रका कार्यकारी निर्माता युवराज कार्की हुन् ।
