फिल्मकी चर्चित अभिनेत्री वर्षा राउतले रंगमञ्चमा डेब्यु गर्ने भएकी छिन्। उनले विमल सुवेदीको निर्देशन रहने नाटक 'हिटलर आउँदैछ' मार्फत् रंगमञ्चमा डेब्यु गर्न लागेकी हुन्। वर्षासँगै जोयस पाण्डेको मुख्य भूमिका रहने नाटकको मञ्चन अमेरिकाको ओहायो राज्यको एक्रोनस्थित सिभिक थिएटरमा हुनेछ।
वर्षा यही नाटकका लागि अमेरिका पुगिसकेकी छिन् । यतिबेला रिहर्सल चलिरहेको यो नाटकमा अभिनय गर्न आफू उत्सुक रहेको उनले बताइन् । ‘नाटकबाट आएका धेरै कलाकारसँग फिल्ममा काम गरेकाले मलाई नाटक गर्ने र सिक्ने चाहना पहिल्यैदेखि थियो । यो मौका यसरी जुर्दा सुनमा सुगन्ध भएको महसुस गरेको छु । यो नाटकबाट धेरै कुरा सिक्न पाउनेमा विश्वस्त छु,’ उनले भनिन् ।
