काठमाडौं । काठमाडौंको राष्ट्रिय सभागृह परिसर जलमग्न भएको छ । सभागृह परिसरमा जम्मा भएको पानी पम्पसेट लगाएर तानेर फालिएको छ ।
काठमाडौंमा मध्यम खालको वर्षा हुँदा पनि सभागृह जलमग्न हुने गरेको छ । पानीको उचित निकास नहुँदा पानी जम्मा भएर कोठाभित्रै छिर्ने गरेको कर्मचारीहरु बताउँछन् ।
राष्ट्रिय सभागृह काठमाडौं महानगर मातहत छ । यहाँ महानगर प्रमुख बालेन शाह र उपप्रमुख सुनिता डङ्गोलका कार्यकक्ष तथा महानगरपालिकाका केही शाखाहरु छन् । महानगरले नगर सभा लगायत विभिन्न कार्यक्रम यहीँ गर्ने गरेको छ ।
