बलिउड सुपरस्टार सलमान खानको यस वर्ष अर्थात् २०२४ मा कुनै फिल्म प्रदर्शन हुने छैनन् । आगामी वर्ष (२०२५) को इदमा भने उनको महत्वाकांक्षी फिल्म ‘सिकन्दर’ प्रदर्शनमा आउने निश्चित भइसकेको छ । यो फिल्ममा सलमानको जोडी ‘एनिमल’ अभिनेत्री रश्मिका मन्दानासँग बाँधिनेछ । उनीहरुले पहिलोपटक एकसाथ काम गर्न लागेकाले दर्शकमा पनि फिल्मप्रति उत्साह बढेको छ ।
अब फिल्ममा भिलेनको पनि टुंगो लागेको छ । निर्माण टिमले ‘बाहुबली’ श्रृंखलामा ‘कटप्पा’को भूमिका निर्वाह गरेर चर्चामा आएका अभिनेता सत्यराजलाई अनुबन्ध गरेको छ । उनी स्वयंले एक अन्तर्वार्ताको क्रममा यसको पुष्टि गरेका हुन् ।
