काठमाडौँ । चलचित्र फर्की फर्कीका निर्माता समाचारको विषयलाई लिएर गालीगलौजमा उत्रिएको आरोप लागेको छ । निर्माता रोहित अधिकारीले प्रकाशित समाचारको विषयलाई लिएर पत्रकार केशव खड्कालाई गालीगलौज गरेको आरोप लागेको हो ।
पत्रकारलाई गालीगलौज गरेको यस घटनाप्रति नेपाल पत्रकार महासंघले आइतबार विज्ञप्तिमार्फत गम्भीर ध्यानाकर्षण भएको जनाएको छ । फर्की फर्कीको समीक्षा प्रकाशन भएको विषयमा निर्माता गाली गलौजमा उत्रिएको विज्ञप्तिमा उल्लेख छ ।
महासंघले प्रेसको संवैधानिक स्वतन्त्रताको सम्मान गर्न सम्बन्धित निकायको ध्यानाकर्षण पनि विज्ञप्तिमार्फत गराएको छ ।
