जेठ ८ काठमाडौं । नेपाली बजारमा एकनासले बढिरहेको सुनको मुल्य मंगलबार घटेको छ । सोमबार प्रतितोला १ लाख ४१ हजार ८ सय रुपैयाँमा कारोबार भएको छापावाला सुन आज १२ सय रुपैयाँले घटेर प्रतितोला १ लाख ४० हजार ६ सय रुपैयाँमा कारोबार भइरहेको नेपाल सुनचाँदी महासंघले जनाएको छ ।
त्यस्तै आज तेजावी सुनको मुल्य पनि १२ सय रुपैयाँले घटेर प्रतितोला १ लाख ३९ हजार ५० रुपैयाँमा कारोबार भइरहेको छ । यता आज चाँदीको मुल्य ५५ रुपैयाँले घटेर १ हजार ८ सय ८५ रुपैयाँमा कारोबार भइरहेको महासंघले जनाएको छ ।
