३१ वैशाख, काठमाडौं । पेरिस ओलम्पिक-२०२४ अन्तर्गत टेबलटेनिसको दक्षिण एसियाली छनोटको महिला एकल समूह चरणमा नेपाली खेलाडी नविता श्रेष्ठ र इभाना थापा मगरले विजयी सुरूवात गरेका छन् ।लैनचोरस्थित नेशनल ट्रेनिङ सेन्टरमा ग्रुप थ्रि मा रहेकी नविताले पाकिस्तानकी पर्निया खान ४-१ ले हराइन् ।
यस्तै ग्रुप टू मा इभानाले श्रीलंकाकी इशारा मदुरांगीलाई ४-१ ले पराजित गरिन् ।अब पुरुष एकलमा संयोग कपालीले माल्दिभ्सका अहमद मुसा र श्यान्टु श्रेष्ठले माल्दिभ्सकै अहमद अख्यारसँग खेल्नेछन् ।
