काठमाडौँ । भारतका प्रधानन्यायाधीश धनञ्जय यशवंत चन्द्रचुडको मुक्तिनाथ दर्शन कार्यक्रम रद्द भएको छ । आज नेपाली सेनाको हेलिकप्टरबाट मुक्तिनाथ दर्शनका लागि त्यति जाने कार्यक्रम तय भए पनि खराब मौसमका कारण कार्यक्रम रद्द गरिएको हो ।
यससँगै पत्नी कल्पना दास, भारतीय सर्वोच्च अदालतका रजिष्ट्रार राकेश कुमार र कोर्ट चेतन अरोराकासाथ नेपाल आएका प्रधानन्यायाधीश चन्द्रचुड भारत फर्किएका छन् ।
आज मुक्तिनाथको दर्शन गरेर पोखरा घुम्ने कार्यक्रम पनि थियो । पोखराबाट काठमाडौँ आएर भारत फर्किने कार्यतालिका थियो । तर मुक्तिनाथको दर्शन गर्न नपाएपछि कार्यतालिकामा हेरफेर गरी उनी भारत फर्किएका हुन् ।
