काठमाडाैं– अप्रिल २२ अर्थात् आज विश्व पृथ्वी दिवस ।यस वर्षको नाराले मानव र ग्रहको स्वास्थ्यको लागि प्लास्टिक प्रदूषणको हानि बारे सचेतना जगाउने उद्देश्य राखेको छ। यसअघिका घटनाहरूले जलवायु परिवर्तन र स्वच्छ ऊर्जादेखि लिएर प्रजातिहरूको संरक्षण र रूख रोप्ने फाइदाहरूसम्मका विभिन्न वातावरणीय मुद्दाहरूलाई समेटिएका छन्।
अमेरिकाले पहिलाे पटक सन् १९७० अपि्रल २२ तारिखमा यो दिवस मनाएको थियो । पृथ्वीको पर्यावरणको संरक्षणका लागि जागरूकता बढाउने उद्देश्यले याे दिवस मनाउने गरिन्छ ।
सन् १९६९ सान फ्रान्सिस्कोमा युनेस्कोको सम्मेलनमा शान्ति कार्यकर्ता जोन म्याक कोनेलले १९७० मा उत्तरी गोलार्धको बसन्त ऋतुको पहिलो दिन मार्च २१ बाट मनाउने गरी पृथ्वीको सम्मान तथा शान्तिको अवधारणाको लागि एक दिनको माग गरेका थिए ।
तर पछि अमेरिकी सिनेटर गेलर्ड नेल्सनले सन् १९७० मा पर्यावरण शिक्षाको रुपमा एक छुट्टै पृथ्वी दिवसको सुरुवात गरे । त्यस्तै सन् २००९ मा राष्ट्रसंघको ६३ औं महासभाले अपि्रल २२ तारिखलाई विश्वभर पृथ्वी दिवसका रुपमा मनाउने निर्णय गरेपछि यो दिवस विश्वभर मनाइन्छ ।
