काठमाडौँ । युरोपा लिग फुटबलको बिहीबार राति खेलिएको दुई इटालियन क्लबबिचको रोमाञ्चक भिडन्तमा रोमाले सफलता हात पारेको छ । क्वार्टरफाइनलको पहिलो लेग खेलमा रोमाले एसी मिलानमाथि १–० गोलको प्रतिस्पर्धात्मक जित हासिल गरेको हो ।
जिसतँगै रोमाले प्रतियोगिताको सेमिफाइनलमा पुग्ने सम्भावना पनि बलियो बनाएको छ । खेलको प्रारम्भमै गरेको गोल नै भ्रमणकारी टोली रोमाका लागि निर्णायक बन्यो । खेल सुरु भएको १७औँ मिनेटमै रोमाका लागि जियानलुका मान्सिनीले गोल गरेका थिए ।
सान सिरोमा खेलिएको उक्त खेलमा डिफेन्डर पाउलो डिबालाले कर्नरबाट उपलब्ध गराएको पासमा मान्सिनीले हेड गोल गरेका थिए । प्रतिस्पर्धात्मक खेलमा त्यसपछि दुबै टोलीबाट थप गोल हुन सकेन् । रोमा अघिल्लो सिजनको उपविजेता पनि हुन् ।
