काठमाडौँ । चितवनमा आगामी शुक्रबारबाट तीन दिने नवौँ नेपाल फर्मा एक्स्पो हुँदैछ । नेपाली औषधि उद्योग संघ (एपोन)ले चितवनमा फागुन २५ देखि २७ गतेसम्म सो फर्मा एक्स्पो संचालन गर्न लागेको हो ।
सो एक्स्पोमा १६० भन्दा बढी स्टल राखिने संघ (एपोन)का महासचिव सुर्दशन खेगुलीले बताए । सो एक्स्पोको मुख्य उद्देश्य नेपाली औषधिलाई चिनाउने रहेको उल्लेख गरे ।
नेपाली उद्योगले गुणस्तर, असरदार र सस्तोमा औषधि उत्पादन गर्दछन् भनेर सर्वसाधारणलाई जानकारी दिनका सो एक्पो आयोजना गरिएको उनको भनाई छ । उनले हरेक दुई\दुई बर्षमा एक्स्पो गर्दैआएको सुनाए । उनका अनुसार नेपालमा करिब ८४ वटा औषधि उद्योग छन् ।
