सामाजिक सञ्जालमा सुन्दरता र सेनामा सेवाका लागि प्रशंसा बटुलिरहने ब्रुनईका राजकुमार अब्दुल माटिन विवाह बन्धनमा बाँधिएका छन् । उनको विवाहको समारोह १० दिनसम्म चलेको थियो ।
राजकुमार अब्दुलले गत डिसेम्बरमा कुनै राजपरिवारको सदस्य नरहेकी याङ मुलिया अनिसा रोसानसँग सम्बन्धमा रहेको र इन्गेजमेन्ट गरेको खुलासा गरेका थिए । कुनै समय एसियाको सबैभन्दा ‘एलिजेबल ब्याचलर’ मानिएका ३२ वर्षीय राजकुमारको घोषणाले सबैलाई चकित बनाएको थियो ।
राजकुमारकी पत्नी २९ वर्षीया याङ ब्रुनाईका नेता सुल्तान हसानाल बोलकियाको सल्लाहकारकी नातिनी भएको बताइएको छ । उनको फेसन र पर्यटनसम्बन्धी कम्पनी रहेको बताइएको छ ।
विवाहमा करिब ५ हजार पाहुना सहभागी थिए । पाहुनामा साउदी अरब र जोर्डनका राजपरिवारका सदस्य तथा इन्डोनेसिया, फिलिपिन्स लगायतका शीर्ष नेताहरू थिए ।
बीबीसी
