काठमाडौं । तीन ‘सी’ अर्थात् क्रिकेट, सिनेमा र क्राइम । भारतीय मिडियामा यी कन्टेन्ट सबैभन्दा धेरै बिक्छ भनिन्छ । सोमबार सम्पन्न पुरुष विश्वकप क्रिकेटको फाइनल क्रिकेट र सिनेमाको संयोजन जस्तै रह्यो ।
फाइनल हेर्न सेलिब्रिटीहरु गुजरातको अहमदाबादस्थित नरेन्द्र मोदी क्रिकेट रंगशालामा उपस्थित थिए । शाहरुख खानसहितका कलाकार परिवारसहित रंगशालामा थिए । प्रधानमन्त्री नरेन्द्र मोदी र अष्ट्रेलियाली उपप्रधानमन्त्रीले दर्शकमाझबाटै खेल हेरे ।
क्रिकेटर पत्नी समेत रहेकी अभिनेत्री अनुष्का शर्मा र आथिती शेट्टी निकै भावुक देखिए । यस्तै कलाकारहरु रणवीर सिंह, दीपिका पादुकोण, आशा भोस्ले, दागुबत्ती ब्यांकटेश, आयुष्मान खुराना र विवेक ओबराय पनि थिए ।
