काठमाडौँ । कीर्तिपुरस्थित अन्तर्राष्ट्रिय क्रिकेट मैदानमा ‘फ्लड लाइट’ जडान गर्ने जिम्मेबारी सिनामंगलस्थित एमएसआईपीएल-एएससी पावर जेभीले पाएको छ । दोस्रो पटक आव्हान गरिएको टेन्डरबाट ‘फ्लड लाइट’ निर्माणको जिम्मा उक्त कम्पनीले पाएको हो ।
‘फ्लड लाइट’ जडानपछि कीर्तिपुर क्रिकेट मैदानमा दिवा—रात्रि खेलका लागि सुविधा उपलब्ध हुनेछ । उक्त कम्पनीले २७ करोड ४० लाख दुई हजार २२ रुपैयाँमा ‘फ्लड लाइट’ जडानको ठेक्का पाएको हो ।
राष्ट्रिय खेलकुद परिषद् (राखेप) का सदस्यसचिव टंकलाल घिसिङका अनुसार, आगामी चारदेखि पाँच महिनाभित्र कीर्तिपुर क्रिकेट मैदानमा ‘फ्लड लाइट’ जडानको कार्य सम्पन्न हुनेछ ।
