एजेन्सी - लोकिप्रय अमेरिकी टिभी शो फ्रेन्ड्सका चर्चित अभिनेता म्याथ्यु पेरीको मृत्यु भएको छ । अमेरिकी सञ्चार माध्यमहरुकाअनुसार पेरी लस एञ्जलसस्थित घरमै मृत अवस्थामा भेटिएका थिए ।
पेरीले ९० को दशकको लोकप्रिय अमेरिकी टिभी शो फ्रेन्ड्समा शैंडलर बिंगको भूमिका निर्वाह गरेका थिए । म्याथ्युको शव बाथ टबमा भेटिएको थियो । प्रारम्भिक अनुसन्धानमा घटनास्थलमा लागुऔषध नभेटिएको बताइएको छ ।
न्यूयोर्क शहरमा बस्ने ६ जना युवाहरुको जिन्दगीमा बनेको फ्रेन्ड्जको प्रसारण सन् १९९४ देपख सन् २००४ सम्म भएको थियो । यो शोको अन्तिम एपिसोड ५ करोड २५ लाख जनाले हेरेका थिए । २००० को दशकमा यो सबैभन्दा धेरै हेरिएको टिभी शो थियो ।
