काठमाडौंँ । शिक्षिका एवं लोक गायिका सिता दुलालको तीज गीत ‘बर्खाको बाटो’ सार्वजनिक भएको छ । गायिका दुलालकै शब्द तथा स्वर रहेको गीतमा सुफिक्स मदनको संगीत तथा एरेन्ज रहेको छ ।
गीतमा कोरस गायनतर्फ शुभद्रा ढकाल र गीता दुलालले साथ दिएका छन् । गीतमा गायिकाहरुको अलवा निश्चल शाही र डोल्मा शेर्पाको अभिनय देख्न सकिन्छ । भिडियो राजेन्द्र ढकालले निर्माण गरेका हुन् ।
अभिभावक आफ्नो छोरीको बिहे गरिदिन पाए आफ्नो सबै जिम्मेवारी सकिन्छ भनेर सोच्छन् । तर छोरीको मनमा बिहे बाहेक अरू धेरै रहर र सपनाहरु हुन्छन् । त्यही सन्देश गीतले दिएको गायिका सीता दुलाल बताउँछिन् ।
