काठमाडौँ । प्रधानमन्त्री पुष्पकमल दाहाल प्रचण्डले यसै महिनाभित्र बुढीगण्डकी जलविद्युत आयोजनाको शिल्यान्यास हुने बताएका छन् । बुधबार प्रतिनिधि सभाको बैठकमा सांसद राजेन्द्र पाण्डेले सोधेको प्रश्नको जवाफमा प्रचण्डले यसै महिनाभित्र कार्यालय स्थापना गर्ने र आयोजनाको शिल्यान्यासको काम हुने जानकारी गराएका हुन् ।
प्रधानमन्त्रीले भने– ‘मैले यसै महिनाभित्र बुढी गण्डकी परियोजनालाई अगाडि बढाउनका निम्ति कार्यालय उद्घाटन गर्ने र शिल्यान्यास प्रक्रियापनि सुरु गर्ने भनेर सम्बन्धित अधिकारीलाई भनेको छु । मलाई विश्वास छ, यसै महिनाभित्र बुढी गण्डकी परियोजना अगाडि बढाउने नयाँ कार्यालयको उद्घाटन हुन्छ ।’
यस्तै निजगढ एयरर्पोटको बारेमा बोल्दै उनले फाष्ट ट्रयाकलाई सो एयरर्पोटसँग जोडिएकोले सो आयोजना यथाशीघ्र अघि बढाउन सरकार तत्पर रहेको जानकारी दिए ।
