मकवानपुर । बागमती प्रदेश सरकारले आगामी आर्थिक वर्षमा कृषि तथा पशुपन्छी विकास मन्त्रालयका लागि ३ अर्ब ३८ करोड रुपैयाँ बजेट विनियोजन गरेको छ ।
प्रदेशका आर्थिक मामिला तथा योजना मन्त्री बहादुर सिं लामाले शुक्रबार बसको प्रदेशसभा बैठकमा बजेट प्रस्तुत गर्दै सरकारले आगामी आर्थिक वर्षमा कृषि तथा पशुपन्छी विकास मन्त्रालय अन्तर्गत विभिन्न कार्यक्रम अन्तर्गत ३ अर्ब ३८ करोड रुपैयाँ बजेट विनियोजन गरिएको बताए ।
प्रदेश सरकारले आगामी आर्थिक वर्षमा किसान परिचय पत्र वितरण, एक स्थानीय तह एक पशुसेवा केन्द्र स्थापना, एक निर्वाचन क्षेत्र एक प्राङ्गारिक मल कारखाना स्थापना, काठमाडौँमा एक आधुनिक कृषि बजार स्थापना जस्ता कार्यक्रमका लागि बजेट विनियोजन गरिएको उनले बताए ।
