तेह्रथुम । नेकपा एमालेका अध्यक्ष केपी शर्मा ओलीलाई पहिचानवादीहरूले कालो झण्डा देखाएका छन् । तेह्रथुम बहुप्राविधिक शिक्षालयको भवन उद्घाटन गर्न आफ्नो जन्मथलो आठराई तेह्रथुम पुगेका ओलीलाई पहिचानवादी समूहले कालो झण्डा देखाएको हो ।
लिम्बु जातिको लोगो सिलाम साक्मा लगाएर गएका ओली शुक्रबार आठराई–५ छातेढुंगामा कोशी प्रदेश नामाकरणको विरोधमा उत्रिएका पहिचानवादी समूहले ओलीविरुद्ध नाराबाजी गर्दै कालो झण्डा देखाएका हुन ।
यस्तै एमालेका कार्यकर्ताहरुले नाराबाजी गर्दै पहिचानवादीको प्रतिकार गरेका थिए । कोशी प्रदेश नामाकरणको विरोधमा उत्रिएका समूहलाई प्रहरीले लाठी चार्जसमेत गरेको थियो ।
शिक्षालयको भवन उद्घाटनमा अध्यक्ष ओली दम्पतीसहित एमाले संसदीय दलका उपनेता सुवासचन्द्र नेम्वाङ आठराई पुगेका छन् ।
