तनहुँ । तनहुँ क्षेत्र नम्बर १ मा आइतबार सम्पन्न उपनिर्वाचनको मतगणना जारी रहेको छ । दमौलीमा जारी मतगणनाको पछिल्लो मतपरिणामअनुसार राष्ट्रिय स्वतन्त्र पार्टीका उम्मेदवार स्वर्णिम वाग्लेले ११२२१ मत प्राप्त गरेका छन् ।
कुल २१ हजार २६१ मतगणना सकिँदा स्वर्णिमले एमाले र कांग्रेसका उम्मेदवारले पाएको कुल मत भन्दा पनि स्वर्णिमले बढी पाएका हुन् ।
मतपरिणामअनुसार कांग्रेसका उम्मेदवार गोविन्द भट्टराईले ५८८५ मत तथा एमालेका सर्वेन्द्र खनालले ३४६८ मत पाएका छन् । तनहुँ १ मा गएरातिदेखि मतगणना सुरु भएको थियो ।
