चैत्र २२ काठमाडौं : नेपाली बजारमा बुधबार सुन तोलामा २ हजार रूपैयाँले बढेको छ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ११ हजार रूपैयाँ कायम भएको छ। मंगलबार छापावाल सुन प्रतितोला १ लाख ९ हजार रूपैयाँमा कारोबार भएको थियो।
यस्तै यसदिन तेजावी सुन प्रतितोला १ लाख १० हजार ४५० रूपैयाँ निर्धारण भएको छ। मंगलबार तेजावी सुन प्रतितोला १ लाख ८ हजार ५ सय रूपैयाँमा कारोबार भएको थियो।
महासंघका अनुसार आज चाँदी तोलामा ४० रूपैयाँले बढेर प्रतितोला १ हजार ४४० रूपैयाँमा कारोबार भइरहेको छ। मंगलबार चाँदी प्रतितोला १ हजार ४ सय रूपैयाँमा कारोबार भएको थियो।
