काठमाडौं । साताको दोस्रो दिन आज सोमबार नेपाली बजारमा सुनचाँदीको मूल्य अघिल्लो दिनको तुलनामा केही घटेको छ ।
नेपाल सुनचाँदी व्यवसायी महासंघका अनुसार आज सुनको छापावाल सुनको मूल्य तोलाको एक लाख ९ हजार कायम भएको छ । हिजो आइतबार यो मूल्य एक लाख ९ हजार २०० थियो ।
त्यस्तै तेजावी सुनको मूल्य तोलाको एक लाख आठ हजार ५०० निर्धारण भएको महासंघले जनाएको छ । आइतबार तेजावी सुनको मूल्य एक लाख आठ हजार ७०० थियो ।
सुनको मूल्य तोलामा २०० रुपैयाँले गिरावट हुँदा चाँदीको मूल्यपनि सामान्य रुपमा घटेको छ । चाँदी अघिल्लो दिनको तुलनामा तोलामा दश रुपैयाँले घटेर प्रतितोला एक हजार ३६० मा कारोबार भइरहेको महासंघले जनाएको छ ।
महासंघले अन्तर्राष्ट्रिय मूल्यको आधारमा नेपालमा दैनिक सुनचाँदीको मूल्य तोक्दै आइरहेको छ ।
