नेपाल भ्रमणमा रहेको चिनियाँ कम्युनिस्ट पार्टीको प्रतिनिधि मण्डलले राष्ट्रपति विद्यादेवी भण्डारीलाई भेटेको छ।
राष्ट्रपति भवन शीतल निवासमा पुगेर नेपालमा रहेको प्रतिनिधि मण्डलले भण्डारीसँग साँझ ५ बजेदेखि ६ बजेसम्म भेट गरेको शीतल निवास उच्च स्रोतले जनाएको छ।
उच्च स्रोतका अनुसार प्रतिनिधि मण्डलले प्रधानमन्त्री केपी शर्मा ओलीसँग भोलि भेट गर्दै छन् ।
चिनियाँ कम्युनिस्ट पार्टीको अन्तर्राष्ट्रिय विभाग उपमन्त्री कुओ येचौको नेतृत्वको चार सदस्यीय टोली आइतबार दिउँसो एयर चाइनाको जहाजबाट काठमाडौँ आई पुगेको थियो ।
