४ पुष २०७७
गुल्मीमा अटो दुर्घटना हुँदा १ जनाको मृत्यु भएको छ । रेसुङ्गा नगरपालिका वडा नम्बर–१३ दुबिचौर भन्ने स्थानमा लु १ ह २७४३ नम्बरको अटो दुर्घटना भएको हो ।
दुर्घटनामा रेसुङ्गा नगरपालिका वडानम्बर–१२ घर भएका चालक तेजबहादुर रानाको मृत्यु भएको जिल्ला प्रहरी कार्यालय गुल्मीले जनाएको छ ।
गौडाकोटबाट तम्घासतर्फ आउँदै गर्दा अनियन्त्रित भइ सडकबाट अन्दाजी २०० मिटर तल खसेर दुर्घटना भएको प्रहरीले जनाएको छ ।
दुर्घटनामा ४ जना घाइते भएका छन् । अटोमा सवार घाइते ४ जनामध्ये २ जनाको गुल्मी अस्पताल र २ जनालाई थप उपचारको लागि पाल्पा पठाइएको प्रहरीले जनाएको छ ।
दुर्घटना लगत्त नजिकै रहेको सशस्त्र प्रहरी नेपाल प्रहरीको टोलीले उद्धार गरेको थियो ।
