पोखरा
गण्डकी प्रदेश सभाको बर्खे अधिवेशन आज राति १२ बजेबाट अन्त्य भएको छ । गण्डकी प्रदेश सरकारको सिफारिसका आधारमा प्रदेश प्रमुख अमिक शेरचनले बर्खे अधिवेशन अन्त्य भएको पत्र संसद सचिवालयमा पठाउनुभएको थियो र सभामुख नेत्रनाथ अधिकारीले सभामा बर्खे अधिवेशन अन्त्य भएको पत्र पढेर सुनाउनुभएको थियो । प्रदेश सभाको चालु अधिवेशन जेठ ११ गते सुरु भएको थियो ।
बर्खे अधिवेशनमा ६२ वटा बैठक बसेको र सोमबारसमेत गरी १४ वटा विधेयक पारित भएका छन् । कोभिड महामारीका कारण नदीपुरमा रहेको प्रदेशसभाको हल साँघुरो भएकाले पोखरा सभागृहमा संसद बैठक सञ्चालन गरिएको थियो ।
