आश्विन २५

कोरोना महामारिले सारा विश्वनै ग्रसित भैरहेको बेलाँ नेपालको विभिन्न ठाँउमा भाईरल ज्वोरो फैलन थालेको आशंका विभिन्न स्वास्थ्य चिकित्सकहरुले गरिरहेका छन् । यसले चिकित्सकहरुमाझा थप अन्योलता सिर्जना गराएको छ । कोरोना भाईरस र भाईरल ज्वोरो हुँदा लक्षण्हरु उस्तै उस्तै देखिने हुँदा जाँच नगरि छुट्याउन नसकिने कुरा शुक्रराज ट्रपिकल तथा सरूवा रोग अस्पतालका एकजना वैज्ञानिकले अखबारदैनिकलाई बाताएका छन् ।

एक्कासि ज्वरो आएमा, श्वासप्रश्वासमा अप्ठ्यारो, जीउ दुख्ने, टाउको दुख्ने लक्षणहरू देखा परेमा त्यस व्यक्तिलाई इन्फ्लुएन्जा भएको भनिन्छ । यद्दपी कोरोना भाईरसको लक्षण पनि यस्तै यस्तै भएक्काले नजचाई यसै खुट्ट्याउन सकिन्न । प्रायः कडा घाम र पानी पर्ने मौसममा यसले प्रकोपको रूप लिने गरेकाले यसलाई मौसमी इन्फ्लुएन्जा पनि भन्ने गरिन्छ । यो हावाबाट सर्ने रोग हो । यसको प्रभाव जाडो मौसममा भन्दा गर्मी मौसममा बढी रहन्छ । यो रोग भाइरसका कारण हुन्छ । बदलिँदो मौसम, वायु प्रदूषण तथा दूषित पानीका कारण भाइरल संक्रमण बढी हुन्छ ।

भाइरल ज्वरोका मुख्य लक्षणहरू निम्नानुसार छन् :

-एक्कासि ज्वरो बढ्ने र रोकिने

-चिसो महसुस हुनु

-हल्का खोकी लाग्नु

- घाँटी दुख्नु

- हाँच्छिऊ आउनु

- नाकबाट पानी आउनु

- टाउको, शरीर तथा हाडजोर्नी दुख्नु

- हातखुट्टामा सिल्का हान्नु र कमजोरी महसुस हुनु

- अनुहार सुन्निनु र छाला रातो भई फोका आउनु

- आँखा रातो हुनु

- वाकवाकी लाग्नु

- वान्ता हुने, पेट मडारिनु,

- बेसुरोपना देखा पर्नु

- झाडापखाला लाग्नु आदि ।

सर्ने कारण : भाइरल ज्वरो सरुवा रोग भएकोले विशेषगरी रोग लागेका व्यक्तिको शरीरको तरल पदार्थबाट यो रोग अर्को व्यक्तिमा सर्दछ । रोगीले खोक्दा, हाच्छ्यु गर्दा, हाई काढ्दा उसको मुख र नाकबाट निस्कने मसिना थुक, र्‌याल, सिंगानका कणहरूबाट वातावरणमा यसका भाइरस निस्कन्छन् र नजिकै बसेको मानिसले सास फेर्दा यो भाइरस सर्दछ । यसका साथै बिरामीसित हात मिलाउँदा, बिरामीले प्रयोग गरेका रुमाल, कलम आदिबाट पनि रोग सर्दछ । हावामा खेलिरहेका विषाणुहरू श्वासप्रश्वासको क्रममा नाकको माध्यमबाट मानिसको शरीरमा पुग्छ । भाइरसको प्रवेशसँगै नाक चिलाउन र दुख्न थाल्छ । भाइरस घाँटीमा पुगेपछि घाँटी खसखस गर्छ । अन्तिममा फोक्सोमा पुगेपछि खोकी लाग्न थाल्छ । भाइरसको प्रवेशसँगै नाकबाट हाच्छ्यु आउने, रुघा लाग्ने, घाँटीमा अप्ठेरो पर्ने, स्वर बिग्रने गर्छ । फोक्सोमा पुगिसकेपछि भाइरस रगतमा मिसिन्छ र शरीरका सम्पूर्ण भागमा फैलिन्छ । रगतमा फैलनासाथ मानिसमा ज्वरो आउँछ । ज्वरोका कारण शरीरको प्र्रतिरोधात्मक शक्ति कमजोर हुन्छ र भाइरसको शक्ति बलियो हुन्छ । ७२ घन्टादेखि पाँच दिनसम्म बढी क्रियाशील हुने भाइरल त्यसपछि आफैं हराएर जान्छ ।