पोखरा
उच्च पदस्थ व्यक्तिहरुमा कोरोनो संक्रमण देखिएपछि गण्डकी प्रदेशका मुख्यमन्त्री सहित मन्त्रीहरुको कोरोना परीक्षणका लागि स्वाब संकलन गरिएको छ । सोमबार उद्योग,पर्यटन,वन तथा वातावरण मन्त्रालयमा मुख्यमन्त्री पृथ्वीसुब्बा गुरुङसहित सातै जना मन्त्रीहरुको स्वाब संकलन गरिएको हो । 
मन्त्रीका सचिवालय सदस्य, पि.एस्.ओ., कर्मचारी, चालक र सुरक्षाकर्मी गरी १५२ जनाको स्वाब संकलन गरिएको स्वास्थ्य निर्देशनालयका निर्देशक डा.विनोद विन्दु शर्माले जानकारी दिनुभयो । उहाँका अनुसार स्वाबको पीसीआर नतिजा मंगलबार साझ आउनेछ । गण्डकी प्रदेशमा प्रदेश सांसद र डिआईजीमा कोरोना संक्रमण देखिएको छ ।
यस अघि प्रदेशसभाको वर्षे अधिवेशन सुरु हुने बेला पनि मुख्यमन्त्री,मन्त्री र सांसदहरुको एकै साथ पि.सि.आर. परिक्षण गरिएको थियो ।
