पोखरा
कास्कीमा आज राति १२ बजेदेखि ७ गते राति १२ बजेसम्मका लागि निषेधाज्ञा जारी गरिएको छ । जिल्लास्तरीय कोरोना रोकथाम नियन्त्रण र व्यवस्थापन समितिको निर्णयपछि सुरक्षा समितिको बैठक बसेर ५ दिनको लागि निषेधाज्ञा जारी गरिएको जिल्ला प्रशासन कार्यालय कास्कीले जनाएको छ ।
चाडवाड नजिकिएसँगै भिडभाड बढी हुने हुदाँ कोरोना संक्रमणको जोखिम पनि बढ्ने सम्भावना रहने तथा पछिल्लो समय पोखरामा समुदायस्तरमा संक्रमितको संख्या पनि ह्वात्तै बढेको भन्दै निषेधाज्ञा जारी गरिएको हो ।
निषेधाज्ञा जारी भएसँगै अत्यावश्यकबाहेक सबै गतिविधि ठप्प हुने छ । संक्रमण बढे सँगै पोखरा महानगरपालिकाले प्रदेशको कोभिड–१९ संकट व्यवस्थापन केन्द्र (सीसीएमसी) मा निषेधाज्ञा जारी गर्न सिफारिस गरेको थियो । सोही बिषयमा सोमबार बसेको प्रदेश सीसीएमसीले जिल्ला प्रशासन कार्यालयलाई स्थानिय तहको समन्वयमा आवश्यकताअनुसार निषेधाज्ञा जारी गर्न अनुमति दिएको थियो ।
