काठमाडौं, ३२ साउन । जुगल गाउँपालिका वडा नं. २ मा गएको पहिरोमा परि हराइरहेका व्यक्तिहरुको नेपाली सेनाको खोज तथा उद्धार टोलीले खोजी कार्य जारी राखेको छ ।
नेपाली सेनाको श्री गोरखबक्स गणको खोज तथा उद्धार टोलीले सशस्त्र प्रहरी बल नेपाल, नेपाल प्रहरी, स्थानीय वासिन्दालगायत अन्य निकायहरुको सहयोगमा हालसम्म चार (४) जना महिला, तीन (३) जना पुरुष, पाँच (५) जना बालिका र सात (७) जना बालक गरि जम्मा ज्ञढ जनाको शव फेला पारेको छ ।
https://akhabardainik.com/news/2256
उक्त पहिरोमा परि हराइरहेका २० जनाको खोजी कार्य जारी राखेको छ । मिति २०७७ साउन ३० र ३१ गते नेपाली सेनाको MI-17 हेलिकप्टरद्वारा खाद्यान्न, लत्ता कपडा, पाल लगायत अत्यावश्यक राहत सामग्री ढुवानी गरी उक्त स्थानमा पुर्याएको थियो ।
खोज तथा उद्धारमा स्थानीय प्रशासन, सशस्त्र प्रहरी बल नेपाल, नेपाल प्रहरी, स्थानीय वासिन्दा लगायत अन्य निकायहरुसँग निरन्तर समन्वय र सहकार्य गरी नेपाली सेनाका ४७ जना खोज तथा उद्धार कार्यमा खट्टिइरहेका छन् ।
