काठमाडौं, २६ साउन । काठमाडौं उपत्यकामा अत्यावश्यकबाहेकका सेवा बन्द हुने भएको छ ।
मेयर फोरमको आज बसेको बैठकले यस्तो निर्णय लिएको हो ।
काठमाडौं महानगरपालिकाका प्रवक्ता ईश्वरमान डंगोलले सोमबार बसेको बैठकले अत्यावश्यकबाहेकका सेवा सञ्चालन नगर्ने निर्णय लिएको जानकारी गराए ।
यसअघि केन्द्र सरकारले १० असारदेखि लकडाउन खुकुलो गरेको थियो भने ७ साउनदेखि लकडाउन खुला गरेको थियो ।
उपत्यकामा संक्रमण बढेपछि काठमाडौं, ललितपुर र भक्तपुरका नगरप्रमुखहरू रहने मेयर फोरमले यस्तो निर्णय लिएको हो ।
यस विषयमा गृह मन्त्रालयले भने आधिकारिक धारणा दिएको छैन ।
साथै, बैठकले सार्वजनिक यातायात पूर्ण रूपमा सञ्चालन भएपछि संक्रमण तीव्र रूपमा फैलिएको निष्कर्ष निकाल्दै सार्वजनिक यातायात सञ्चालनमा रोक लगाउन पनि सरकारलाई आग्रह गर्ने निर्णय गरेको छ ।
