३० जेठ, काठमाण्डौं । नेपाल विज्ञापनसंघले आफ्नो ३०औं बार्षिकोत्सव रक्त्तदान कार्यक्रम सहित मनाएको छ ।

नेपाल मेडिसिटी हस्पिटलको सहकार्यमा , विज्ञापनसंघको भातृ संगठन एंड क्लब समेतको उपस्थितिमा संघको कार्यालय, शान्तिनगरमा रक्त्तदान कार्यक्रम सहित वार्षिकोत्सव कार्यक्रम मनाएको हो ।

कार्यक्रममा प्रमुख अतिथि वडा नं ३१ का वडा अध्यक्ष नारायण भण्डारी थिए भने संघका अध्यक्ष रबिन्द्र कुमार रिजालले कार्यक्रमको अध्यक्षता गर्नु भएको थियो कार्यक्रममा बोल्दै प्रमुख अतिथि नारायण भण्डारीले कोभिड-१९ कोरोना भाईरसको अप्ठ्यारो परिस्थिमा पनि नेपाल बिज्ञापन संघले सामाजीक दुरि कायम गरि आफ्नो वार्षिकोत्सवमा रक्त्तदान जस्तो महत्वपूर्ण काम गरेकोमा संघलाई बधाई दिनुभयो ।

संघमा नेपाल विज्ञापन संघका आबद्द विज्ञापन व्यवसायीहरूको उल्लेख्य उपस्थिति थियो भने कार्यक्रमको संयोजन संघका कोषाध्यक्ष पिताम्बर पोखरेल ( विजय ) ले गर्नु भएको थियो ।

नेपाल विज्ञापन संघका अध्यक्ष तथा कार्यक्रमका अध्यक्ष रबिन्द्र कुमार रिजाल ( शसि ) ले नेपाल विज्ञापन संघ जुन कुनै परिस्थितिमा पनि संघको हितको लागि सबै हिसाबले काम गर्न पुर्ण र सक्षम रहेको बताउदै देश कोरोनामय हुंदा हाम्रो संघको वार्षिकोत्सव कार्क्रममा रक्तदान गर्न उपयुक्त ठानि कार्यकर्म गरिएको बताउदै अप्ठेरो परिस्थिति मा पनि सहयोग र उपस्थित भई रक्त्तदान दिनु हुने सबैलाई धन्यबाद दिनु भएको थियो ।