गण्डकी प्रदेशमा शुक्रबार थप ३७ जनामा कोरोना संक्रमण देखिएको छ । गण्डकी प्रदेशका चार जिल्ला स्याङजामा २२ जना, पर्वतमा १३ जना, तनहुँ र नवलपुरमा एक एक जनामा संक्रमण देखिएको हो । यो सगँ गण्डकी प्रदेशमा कोरोना संक्रमितको सख्या १ सय ८८ पुगेको छ । ति मध्ये १ जनाको मृत्यु भएको छ भने ११ जनालाई निको भएको छ ।
गण्डकी प्रदेशमा स्याङजामा ६० जना, बागलुङ जिल्लामा ४० जना, नवलपुरमा ३८ जना, गोरखामा १५ जना, पर्वतमा २२ जना, कास्कीमा ५ जना, तनहुँमा चार जना, म्यादीमा तीन जना र लमजुङमा एक जनामा कोरोना संक्रमण देखिएको छ । गण्डकी प्रदेशका ११ जिल्ला मध्ये मनाङ र मुस्ताङ एउटा पनि संक्रमित व्यक्ति देखिएका छैनन् ।
यसै बिच मणिपाल अस्पतालमा उपचाररत पर्वत कुस्मा नगरपालिकाका ३५ बर्षिय पुरुषमा कोरोना संक्रमण देखिएपछि अस्पतालको न्युरो आईसीयू वार्ड बन्द हुने भएको छ । शुक्रबार अस्पतालको उक्त वार्डमा उपचाररत एक बिरामीमा कोरोना संक्रमण रहेको प्रदेश स्वास्थ्य निर्देशनालयले गरेको थियो । पर्वतका ३५ वर्षीय ती पुरुष जेठ २२ गते सडक दुर्घटनामा परेका थिए । उनलाई उपचारको लागि मनिपाल ल्याइएको थियो । २५ गते उनको स्वाब लिइएको र शुक्रवार पोजेटिभ आएको अस्पताल स्रोतले जानकारी दियो ।
अस्पतालमा कार्यरत १२ नर्स, डाक्टरसहित २०÷२२ जना अस्पतालकै क्वारेन्टिनमा बस्ने भएका छन् । उनीहरुको पनि स्वाब संकलन गरिने भएको छ । संक्रमण भेटिएका बिरामीको वार्डमा सँगै रहेका अन्य चार बिरामीको पनि स्वाब लिइने अस्पतालले जनाएको छ ।