महाकुम्भ मेलामा भागदौड मच्चिएपछि भक्तजनहरूले यसको व्यवस्थामाथि गम्भीर प्रश्न उठाएका छन्। उत्तर प्रदेशस्थित प्रयागराजको संगम किनारमा भएको सो भागदौड पछि घटनास्थलमा मानिसहरूका सामानहरू, लुगाफाटा, कम्बल र झोलाहरू चारैतिर छरिएको देखिएका छन् भने मानिसहरू जताततै निराश देखिन्छन्।
भागदौडमा कति जना घाइते वा मारिए भन्ने बारेमा आधिकारिक जानकारी नआएपनि दैनिक भास्करले १४ शव पोस्टमार्टमका लागि अस्पताल पुर्याइएको खबर छापेको छ । घटनापछि प्रयागराज शहरसँग सिमानामा रहेका सबै जिल्लाहरूमा भक्तजनहरूको प्रवेशमा प्रतिबन्ध लगाइएको छ ।
