१७, जेठ, तुलसीपुर । तुलसीपुरमा एक युवकको हत्या गरिएको छ । तुलसीपुर उपमहानगरपालिका– ९ मैनामगर निबासी २८ बर्षका मन्दिप भुजेको गएराति हत्या भएको ईलाका प्रहरी कार्यालय तुलसीपुरका प्रहरी प्रवक्ता तथा प्रहरी निरीक्षक चक्र डम्बरपालले जानकारी दिए । अटोभिलेज देखि करिब डेढ सय मिटर उत्तर तर्फ ज्ञानज्योति आधारभुत विद्यालयको भवन पछाडी भुजेल आज बिहान मृत अवस्थामा फेला परेपछि स्थानीयले प्रहरीलाई खबर गरेका थिए । प्रहरी निरीक्षक डम्बरपालको नेतृत्वमा घटना स्थल पुगेको प्रहरी टोली अनुसन्धान सुरु गरेको छ । यसैबिच प्रहरीले अनसुन्धानका लागि स्थानीय ३ जना युवकलाई नियन्त्रणमा समेत लिएको छ ।

यसैविच सामुहिक आक्रमणबाट एक युवक घाइते भएका छन् । घाइते हुनेमा तुलसीपुर उपमहानगरपालिका –१२ टरीगाउँ निबासी १५ बर्षका सुमन विक रहेको राप्ती प्रादेशिक अस्पतला तुलसीपुरले जानकारी एिको छ । घाईते विकको बाँया हात भाँचिएको छ भने शरिका अन्य भागमा चोटपटक लागेको प्रहरीले जानकारी दिएको छ । उनको अहिले राप्ती प्रादेशिक अस्पताल तुलसीपुरमा उपचार भइरहेको छ । तुलसीपुर –३ नाउला निबासी सुनिल गिरी, विकास गुरुङ, श्याम गिरी, जीवन घर्ती लगाएत १५÷२० जनाको समूहले नाउलाको स्कुलमा साथीसंग बसीरहेका विकलाई कुटपिट गरेर घाईते बनाएका थिए ।