९,जेठ काठमाडौं । काठमाडौंको नागर्जुन नगरपालिकाको वडा नम्बर ९ र १० का नागरिकहरूलाई सम्पूर्ण पसलहरु बन्द गर्न र्देशन दिइएको छ ।
कोभिड-१९ कोरोना भाईरसको संक्रमितको संख्या बढ्दै गएसँगै नागर्जुनको वडा नम्बर ९ र १० उच्च जोखिममा भएको भन्दै वडा कार्यालयले बिहीबार एक सूचना जारी गरि औषधी पसलबाहेक फलफुल, तरकारी खाद्यान्न, मासु पसलहरु शुक्रबार बिहान ९ बजेदेखि अर्को सूचना प्रकाशित नहुन्जेलसम्मका लागि बन्द गर्न निर्देशन दिइएको छ ।
यस सूचनालाई अवज्ञा गरी पसल खोलेको थाहा पाइएमा कानुन बमोजिम कडा कारबाही हुने व्यहोरासमेत जानकारी गराइएको छ ।
कोरोना संक्रमण नियन्त्रण गर्ने कार्यमा सहयोग पुर्याई जिम्मेवार नागरिकको भूमिका निभाउन र वडाभित्रका राजनीतिक दलहरु, टोल सुधार समितिहरु, क्लब, आमा-महिला समूह, स्वयंसेवक, बुद्धिजिवी, कर्मचारी, भुपु सैनिक तथा प्रहरी, विभिन्न पेशा व्यवसायमा संग्लन व्यवसायीहरु, समाजसेवी आ-आफनो टोलभित्र रहेका औषधी पसलबाहेकका पसलहरु नखोल्न जानकारी गराउन आग्रह गरिएको छ ।
