नेपालि श्रमिकलाई पहिले जस्तै रोजगारीको बातावरण बनाउन युएई सरकारलाई उपप्रधानमन्त्री पोखरेलको आग्रह

अखबार दैनिक

बिहीबार , जेठ ८ २०७७

नेपालि श्रमिकलाई पहिले जस्तै रोजगारीको बातावरण बनाउन युएई सरकारलाई उपप्रधानमन्त्री पोखरेलको आग्रह

८ जेठ, काठमाण्डौं । युएईमा रहेका नेपालि श्रमिकलाई लकडाउन पछि पनि रोजगारीमा निरन्तरता दिन युएइ सरकारसंग उपप्रधानमन्त्री ईश्वर पोखरेलले आग्रह गर्नु भएको छ ।

कोरोना रोग नियन्त्रण तथा रोकथाम उच्चस्तरीय समन्वय समितिका संयोजक समेत रहेका उपप्रधानमन्त्री पोखरेलले युएइका रक्षा राज्यमन्त्री मोहमम्मद अहमेद अल बवार्दीबीच भएको टेलिफोनवार्तामा यस्तो आग्रह गरेका हुन् ।

उपप्रधानमन्त्री एवं रक्षामन्त्री ईश्वर पोखरेलले कोरोना भाइरस संक्रमणको कारणले प्रभावित नेपाली श्रमिकहरूलाई आगामी दिनमा रोजगारीको निरन्तरताका लागि युएइ सरकारसँग अनुरोध गरेका छन्।

युएईमा विभिन्न पेशा¸व्यवसायमा संलग्न रही लकडाउनका कारण घर फर्कन चाहेका नेपाली श्रमिकहरूलाई स्वदेश फर्काउन आवश्यक सहजीकरणको लागि संयुक्त अरब इमिरेट्स सरकारबाट भएको अनुरोधलाई नेपाल सरकारले सकारात्मक रूपमा लिएको र

देशभित्र आवश्यक पूर्वाधार, स्वास्थ्य परीक्षण, क्वारेन्टाइन लगायतका सुविधाहरूको व्यवस्था गरेर विदेशमा रहेका नेपालीहरूलाई मुलुकभित्र ल्याउने तयारी भइरहेको जानकारी गराएका थिए।

मन्त्री पोखरेलले टेलिफोन कुराकानीकी क्रममा संयुक्त अरब इमिरेट्स सरकारले नेपाल सरकारलाई कोभिड-१९ रोगको नियन्त्रणका लागि आवश्यक स्वास्थ्य सामग्रीहरू उपलब्ध गराएकोमा युएइ सरकारलाई धन्यवाद दिए।