नेपाल प्रिमियर लिग (एनपिएल) को फ्रेन्चाईज टोली लुम्बिनी लायन्सको मुख्य प्रायोजकमा एनसेल रहेको छ ।
आइतबार एनसेल र लुम्बिनी लायन्सबीच सम्झौता पत्रमा हस्ताक्षर भएको हो । लुम्बिनी लायन्सका अध्यक्ष इश्वर जिसी र एनसेलका प्रमुख कार्यकारी अधिकृत (सिइओ) एवम् प्रबन्ध निर्देशक जब्बर काइमोभले सम्झौता पत्रमा हस्ताक्षर गरेका हुन् । एनसेलले एनपिएललाई पनि पावर्ड बाई गरेको छ।
एनसेलका सिइओ काइमोभले क्रिकेट विश्वमा लोकप्रिय रहेको छ उल्लेख गर्दै लुम्बिनी लायन्ससँग सहकार्य गर्न पाउँदा गौरव महसुस गरेको र टोलीलाई सफलताको लागि शुभकामना दिए। लुम्बिनी लायन्सले बुधवार विराटनगर किङ्ससँग खेल्दैछ ।
