काठमाडौं, ३ जेठ । उपचारका लागि भर्ना भएकी सुत्केरी महिलाको मृत्यु भएपछि काभ्रेको धुलिखेल अस्पताल सिल गरिएको छ ।
सिन्धुपाल्चोक बाह्रबिसे नगरपालिका-९ राम्चेकी २९ वर्षीय सुत्केरी महिलाको कोरोना भाईरसको कारणले मृत्यु भएको हो । नेपालमा कोरोना भाईरसको कारणले मृत्यु हुने उनी पहिलो महिला हुन ।कोरानाबाट महिलाको मृत्यु भईसकेपछि अस्पताल शनिवार (आज) सिल गरिएको हो ।
केही दिन अघि शिक्षण अस्पतालमा सुत्केरी भएकी उनी घर फर्किएपछि स्वासप्रश्वासमा समस्या आएकाले धुलिखेल अस्पतालमा उपचार गराईएको थियो । स्वासप्रश्वासमा समस्या आएकाले उपचारका क्रममा उनको आरडिटि रिपोर्ट पोजेटिभ आएको थियो ।
उनको बिहीबार राति मृत्यु भएको हो । उनको सुरूमा आरडिटि रिपोर्ट पोजेटिभ आएको थियो अहिले पीसीआर पनि पोजेटिभ आएको छ , स्वास्थ्य मन्त्रालयका एक अधिकारिले जानाकारि दिए ।
धुलिखेल अस्पतालले मृत्युवारे स्वास्थ्य मन्त्रालयमा जानकारी गराइसकेको जनाएको छ । मृत्यु भएपछि अस्पतालले उनको स्वाब पुन परीक्षणका लागि टेकु अस्पताल पठाइएको जनाएको छ ।
स्वास्थ्य मन्त्रालयका अधिकारिका अनुसार मृतक महिलाको पीसीआर रिपोर्ट ४ बजे मन्त्रालयमा प्रेस सम्मेलन गरेर जानाकारी दिने बताए ।
