काठमाडौँ ।नेपाल मजदुर किसान पार्टीका सांसद प्रेम सुवालले अर्थमन्त्री वर्षमान पुन र पूर्व उपराष्ट्रपति नन्दबहादुर पुनका परिवार सुन तस्करीमा संलग्न भएका समाचारप्रति प्रधानमन्त्रीलाई थाहा छ कि छैन भनेर प्रश्न गरेका छन् ।
बुधबार प्रतिनिधिसभा बैठकमा प्रधानमन्त्री पुष्पकमल दाहाल प्रचण्डले राखेको विश्वासको मतसम्बन्धी प्रस्तावमथिको छलफलमा भाग लिँदै उनले यस्तो प्रश्न गरेका हुन् ।
‘प्रधानमन्त्री व्यक्तिको इच्छाभन्दा पार्टीको दृष्टिकोण हो । राष्ट्रिय र अन्तर्राष्ट्रिय विषयमा सत्ता गठबन्धन दलहरुको नीति तथा कार्यक्रम र दृष्टिकोणमा तात्त्विक भिन्नता छैन यसकारण प्रधानमन्त्री दाहाललाई पार्टीले विश्वासको मत नदिने जानकारी गराउँछु’, सुवालको भनाइ छ ।
