इरान–अमेरिकी द्वन्द्वका आयाम

सन् १९७९ को इस्लामिक क्रान्तिपछि इरान र अमेरिका बीचको सम्बन्ध तनावपूर्ण देखिन्छ । धम्की, नाकाबन्दी र तिक्तताकै बीच झण्डै चार दशक समय वितिसकेको छ । अझ पछिल्ला केही दिनयता इरान र अमेरिका बीच सङ्कटपूर्ण स्थिति सिर्जना भएको छ । गत जुन २० तारिखका दिन हरमुज जल डमरुमा इरानले अमेरिकी जासुसी ड्रोन विमान खसालेपछि उनीहरु बीचको सम्बन्ध तनावपूर्ण बनेको हो । यो कदमलाई अमेरिकी राष्ट्रपति डोनाल्ड ट्रम्पले आगोसँग खेल्न खोजेको संज्ञा दिएका छन् । यता इरानले भने आफ्नो जलक्षेत्रमा जासुसी गरिरहेको अवस्थामा कारबाही गरिएको स्पष्टोक्ति दिएको छ । यसले सो क्षेत्रमा तनाव बढ्दैगएको गम्भीर खतरालाई सङ्केत गर्दछ ।